Vikimedio EO estas organizo, kiu helpas al volontulaj kontribuantoj verki Esperantajn Vikipedion kaj ĝiajn fratajn projektojn. Ni precipe organizas konkurson, prelegojn, trejnadon, kaj ankaŭ organizas grandajn projektojn subtenitaj see Erasmus+.

Por pli bone disdividi nian laboron, labori pli efike kaj esti pli daŭropova no serĉas novajn funkciulojn. La bazo estas novaj Estraranoj, kaj aldone ankaŭ Kasiston, Ĝeneralan Sekretarion kaj (rezervan) Membron de Revizia Komisiono.

Kiel funkciulo vi havos altan influon al nia laborado, do vi povos pli efike fari bonon por kaj per Esperantaj Vikimediaj projektoj. Samtempe, se vi estas Eŭropano vi havos prioritatan lokon en niaj subvenciataj projektoj de Erasmus+, inklude por via plia edukado.

Se vi forte entuziasmas pri Vikimedio kaj havas rilatajn spertojn pri organiza laboro (vidu ligilon sube) kandidatiĝu nun. Se vi volas plispertiĝi por bone servi, kontaktu min kaj ni interkonsentos 👇

https://esperanto.wiki/2025/kandidatigu-al-la-estraro-revizia-komisiono-au-kiel-kasisto-au-sekretario-ekde-2025

Saluton. Vikipedion vi probable ja konas ;-) Mi gvidas la organizon Vikimedio EO, kiu helpas al disvolviĝo de la Esperantaj Vikipedio kaj ĝiaj frataj projektoj per agadoj aliaj ol kutima verkado de artikoloj.

Nun ni preparas la Jaran planon 2026, kaj ĉi-jare mi eksplice invitas al ĝia kunkreo ankaŭ aliajn aktivajn Vikimedianojn, kiel ni pluraj ĉi tie estas! VMEO estas komunuma organizo, kiu celas provizi labormedion por volontuloj, sed solaj Estraranoj certe ne faros ĉion ;-)

Do, se vi havas ideon pri agado, kiun vi mem pretas gvidi, aŭ almenaŭ helpi organizi ĝin, aldonu ĝin al la malneto de la plano! Mi redaktos la finan version kaj post semajno ĝin traktos en la Kunsido de la Ĝenerala asembleo por oficiale aprobi ĝin.

Legu detalojn kaj kontribuu al la Jara plano 2026 👇 https://meta.wikimedia.org/wiki/Esperanto_kaj_Libera_Scio/Annual_agendas/2026

Kiel progresigi Esperanton kiom eble plej multe per niaj limigitaj rimedoj? Montriĝas, ke iuj laboroj kreas multege pli grandan socian influon ol aliaj. (pri tio devus esti ankaŭ strategia planado ;)

Metodojn de trovado de la plej influaj laboroj, kaj spurado de ilia progreso traktas ekz. la efika altruismo.

Mi lernas pri ĝi nun kaj konsideras ĝin promesplena. Sed en la Esperanta movado ni bezonas pliajn altkapablajn homojn, kiuj kapablas bone strategiumi kaj subteni plej taŭgajn laborojn. Ni, kiel Esperantujo, bezonas plispertiĝi.

Tial mi invitas vin al virtualaj senpagajn (anglalingvaj...) kurso kaj konferenco pri efika altruismo. La limdatoj estas proksimaj, do agu rapide ;-)

Kursoj por komencantoj kaj pogresintoj pri efika altruismo (kandidatiĝu ĝis la 16-a de Novembro 2025): https://www.effectivealtruism.org/courses

Konferenco kun ebloj retiĝi kun aliaj bonagantoj (aliĝu ĝis la 3-a de Decembro 2025): https://eaconnect.effectivealtruism.org/

Bv. diskonigi en viaj Esperantaj (kaj aliaj bonfaraj) organizoj.